Skip to content

SEREM.RU
Чырткем, дуно эше! Лӧпшо Педор шумпотэ котькуд кунолы. Пыра ӵемгес! Сайтэ интыямын "Мынам Удмуртие" радиолэн эфираз чузъяськем 200-лэсь ятыр радиосупыльтонъёс. Кылзы, ут мылкыддэ. Нош серем пырыосы 1000-лэсь ятыр люкаськизы ни. Озьы ик кылдытӥ коня ке шудонъёс. Эскеры астэ ачид. Вормод меда компьютерез? Азьланьын шудонъёс шодскымон тросгес луозы. Дэмланъёстэ, малпанъёстэ гожтыны быгатод куно книгае яке ысты мыным гожтэт. Я, бен, шутэтскы, калгы сайтэтӥ!
Серем пырыос
Куанэмын...
Лӧпшо Педорлэн иворъёсыз
Автор: Лӧпшо Педор   
13.04.2010 10:34
Одиг нуналскын 30 ареслы егитомиз Марымкар гуртысь Одоть апай. Быдэс еросын солэсь 100 арес тырмонзэ пусйыны дасясько вал ни. Но толон тодмо луэм: солэсь вордскем нуналзэ ужкагаз вылэ пусйыкуз янгышам сельсоветын ужась Никонор. Макмырен курадзись воргорон нолез 3 лыдпусэн сурам. Со тодмо луэм бере гуртоос жожомизы. 100 аресъем юбилейлы дасяськон ужъёс еросын дугдытэмын. Нош ачиз Одоть апай куанэмын – одиг нуналскын 35 ареслы егитомы ай. Ма кыче кышномурт солы уз шумпоты!
 
Выль выжы атас
Лӧпшо Педорлэн иворъёсыз
Автор: Лӧпшо Педор   
13.04.2010 10:33
Выль выжы атас поттиллям Куреггуртысь тылобурдо вордон фабрикаын. Отын ужасьёслэн верамзыя, атассы туж жог бызьылэменыз ваньзэсты паймытэ. Часкын 120 иськем жогкыкен ширтись машинаез со капчиен ортче. Табере Куреггуртысь тылобурдо вордон фабрикаын ужасьёс йырзэс тияло – ческыт меда выль выжыысь атаслэн силез? Та дырозь одиг атассэс но кутыны соос быгатиллямтэ на.
 
Законэз тияса...
Лӧпшо Педорлэн иворъёсыз
Автор: Лӧпшо Педор   
13.04.2010 10:32
Шаерысьтымы рынокъёсын законэз тияса лэсьтэм ёлка шудонъёсты вузаны кутскиллям. Вылтуссыя соос заводъёсын лэсьтэмъёсызлэсь номырин но уг висъясько. Но шумпотон но выль ар мылкыд уг кылдыто
 
Нокыче ик оз кариське
Лӧпшо Педорлэн иворъёсыз
Автор: Лӧпшо Педор   
13.04.2010 10:31
Вуоно толэзьысен Ижкарысь трамвайын ветлон дунэз дас манет каремзылы Шачамача гуртын улисьёс нокыче ик оз кариське. Вань улытозязы соослэн Ижкарез но, трамваез но дас манетэз но ноку но адзылэмзы овол.
 
Дунтэк лекция
Лӧпшо Педорлэн иворъёсыз
Автор: Лӧпшо Педор   
13.04.2010 10:30
Акыльмукыль гуртын тылобурдо гриплэсь утиськонъя ужрадъёс ортчытъяны кутскизы. Соосты радъя Паримон песятай. Со гуртысь вань курегъёсты одиг интые люкам но соослы тылобурдо грипп сярысь дунтэк лекция лыдзе. Вуоно арняе Паримон песятай зазегъёс борды басьтиськыны чакла.
 
<< Первая < Предыдущая 1 2 3 4 5 6 7 8 9 10 Следующая > Последняя >>

7 бам 60 пӧлысь
Кельше-а тӥледлы выльдэм serem.ru?
 

Тужгес но дунъям серем пырыос

Матрон кенак

User Rating: / 11
Серем пырыос - Кышномуртъёс
29.11.2009
Матрон кенак витьымтэ шорысь вуэм кунооссэ куноятэ: - Мар шедьтӥ, ваньзэ...
Лыдӟоно

Дискотекаысь

User Rating: / 3
Серем пырыос - Егитъёс
12.04.2010
- Тон мар?!!!! Таче тусын ветлид дискотекае?!! – бер жыт бертэм...
Лыдӟоно

Ижкаре йыроми

User Rating: / 2
Серем пырыос - Кышномуртъёс
12.04.2010
- Толон Ижкаре йыроми, -вера бускелезлы Одоть. – Мынисько трамваен, водитель...
Лыдӟоно

Пӧйшурась

User Rating: / 1
Серем пырыос - Воргоронъёс
03.04.2010
- Толон мон пйшураны ветлӥ но гольык киын кионэз мекалтӥ -...
Лыдӟоно

Уйвӧтын тодматскон

User Rating: / 1
Серем пырыос - Воргоронъёс
03.04.2010
- Мар-о сокем мӧзмыт тусыд?- Митрейлэсь юало эшъёсыз. - Туннэ уйвӧтын...
Лыдӟоно

Top