Серем пырыос

SEREM.RU

Чырткем, дуно эше! Лӧпшо Педор шумпотэ котькуд кунолы. Пыра ӵемгес! Сайтэ интыямын "Мынам Удмуртие" радиолэн эфираз чузъяськем 200-лэсь ятыр радиосупыльтонъёс. Кылзы, ут мылкыддэ. Нош серем пырыосы 1000-лэсь ятыр люкаськизы ни. Озьы ик кылдытӥ коня ке шудонъёс. Эскеры астэ ачид. Вормод меда компьютерез? Азьланьын шудонъёс шодскымон тросгес луозы. Дэмланъёстэ, малпанъёстэ гожтыны быгатод куно книгае яке ысты мыным гожтэт. Я, бен, шутэтскы, калгы сайтэтӥ!

Серем пырыос

Эн шумпот...

(5 куара, рейтингез 3.60 5 пӧлысь)

Выль ар
Автор: Лӧпшо Педор
13.04.2010 11:22
- Ваёз тыныд Тол Бабай кузьым, одно ик ваёз, - буйгатэ бордись пиналзэ анаез. – Вот и молодец, уд ни бордиськы. - Эн шумпот, - шуэ пичи пинал, - мон шутэтскисько гинэ ай.

Акция

(8 куара, рейтингез 4.13 5 пӧлысь)

Выль ар
Автор: Лӧпшо Педор
13.04.2010 11:22
Ижкарысь пинь эмъянъя «Зарни пинь» клиника выль ар азьын дунъёсты кулэстонъя акции ялиз. Та эмьяськонниын ти 32 пиньёстэс ишкалтоно кариськиды ке, 33-ез понна дун тыроно уз луы.

Алло, 32-43-52-а та?

(4 куара, рейтингез 3.00 5 пӧлысь)

Выль ар
Автор: Лӧпшо Педор
13.04.2010 11:21
Мунчоысь шомаськыса бертэм Никодим выль арен зечкыланы эшезлы жингыртэ. - Алло, 32-43-52-а та? - Овол. - Соку мар-о трубкаез кутиськод?

Ачиз вуиз

(2 куара, рейтингез 4.50 5 пӧлысь)

Выль ар
Автор: Лӧпшо Педор
13.04.2010 11:21
Миквор эшезлы жингыртэ: - Кызьы ни, Микол, выль арез пумитад? - Мон сое ой пумита, со ачиз вуиз.

В-в-вот мон лыкти…

(7 куара, рейтингез 4.14 5 пӧлысь)

Выль ар
Автор: Лӧпшо Педор
13.04.2010 11:20
Выль ар вуытозь одиг нылкышно одно ик бызьыны малпам. Газетэ ялон сётэм: «Тодматско вина юисьтэм, тамак кыскисьтэм пиосмуртэн». Чуказеяз осэ жингыртись луиз. Усьтэ но адзе: ос дорын сылэ погмаськем диськутэн, тугаськем йырсиё, пыд йылаз мырдэм возиськись воргорон. Вылаз ик бургы зыныз иськемысен шодиське. - Т-т-татын-а улэ ялон сётись нылаш? - Бен, но… - Т-т-тиледлы-а кулэ воргорон, и-ик? - Бен, но… - В-в-вот мон лыкти… - Но мыным вина юисьтэм, тамак кыскисьтэм воргорон кулэ. - С-с-соин ик м-мм-он лыкти… в-в-вераны тон кузпал утчаськод ке, мон сярысь эн но малпа.